احتجاج کی آڑ میں شرپسند عناصر کو ملکی امن خراب کرنے کی اجازت نہیں دی جائے گی:وزیراعظم

تفصیلات کے مطابق وزیراعظم عمران خان کی زیرصدارت وفاقی کابینہ اجلاس کی اندرونی کہانی سامنے آگئی ،وزیراعظم کو مذہبی جماعت کی جانب سے ملک گیر احتجاج پر تفصیلی بریفنگ دی گئی جس پر وزیراعظم عمران خان نے وفاقی کابینہ اجلاس میں گفتگو کرتے ہوئے کہا کہ احتجاج کی آڑ میں شرپسند عناصر کو ملکی امن خراب کرنے کی اجازت نہیں دی جائے گی۔ حکومت تحریک لبیک کے ساتھ مسلسل مذاکرات کررہی تھی۔تحریک لبیک ایک طرف مذاکرات دوسری طرف مارچ کی تیاری جاری رکھے ہوئے تھی۔

وزیراعظم عمران خان  نے کہا کہ تحریک لبیک کے متوقع مارچ میں شرپسند عناصر کے فائدہ اٹھانے کی اطلاعات تھیں، آئندہ 24 گھنٹے اہم ہیں، امید ہے حالات بہتر ہو جائیں۔ گے۔معاہدے کے مطابق تحریک لبیک کے مطالبات پارلیمنٹ میں پیش کریں گے۔