پاکستان میں رمضان المبارک کا چاند نظر آگیا

تفصیلات کے مطابق  مرکزی رویت ہلال کمیٹی پاکستان کے سربراہ مولانا عبد الخیر  کی زیر صدارت پشاور میں رویت ہلال کمیٹی کا اجلاس ہوا ، جس کے بعد پریس کانفرنس میں   اعلان  کرتے ہوئے مرکزی رویت ہلال کمیٹی پاکستان کے سربراہ مولانا عبد الخیر  نے کہا کہ پاکستان  میں  رمضان المبارک کا چاند نظر آگیا۔

واضح رہے کہ محکمہ موسمیات کا  بھی کہنا تھا کہ لاہور میں 13 اپریل کو رمضان کا چاند دکھائی دینے کا امکان ہے،محکمہ موسمیات کے مطابق لاہور شہر میں 13 اپریل کو مطلع صاف رہے گا۔محکمہ موسمیات نے مزید کہا تھا کہ رمضان المبارک کے دوران موسم گرم اور خشک رہے گا،جبکہ  15 روزوں کے بعد درجہ حرارت میں اضافہ ہو گا۔

اس سلسلے میں  وزارت سائنس وٹیکنالوجی اور وفاقی وزیر برائے سائنس و ٹیکنالوجی فواد چوہدری نے اپریل کے شروع میں علیحدہ ٹویٹس میں پیش گوئی کی تھی کہ اس سال پہلا روزہ 14 اپریل کو ہوگا۔ان کا  مزید کہنا تھا کہ  رمضان کا چاند اسلام آباد ، لاہور ، پشاور اور کراچی میں واضح طور پر نظر آئے گا۔

قبل ازیں  سعودی عرب میں رمضان کا چاند نظر نہیں آیا تھا۔سعودی   کمیٹی کی جانب سے اعلان کیا گیا تھا کہ مملکت میں کہیں  بھی چاند نظر نہیں آیا جس کے بعد پیر 12 اپریل کو 30 شعبان المعظم ہوگی اور پہلا روزہ 13 اپریل منگل کو ہوگا۔