ملک کو بچانے کےلئے شفاف الیکشن ضروری ہیں،شیخ رشید

عوامی مسلم لیگ کے سربراہ شیخ رشید احمد نے کہا ہے کہ ملک کو بچانے کےلئے شفاف الیکشن ضروری ہیں۔ غریب کے پاس روٹی نہیں لیکن ملک میں 88 وزیر ہیں جو کہتے ہیں تنخواہ نہیں لیں گے۔شہباز شریف کی اتنی بڑی کابینہ ہے اور کام زیرو ہے۔لال حویلی کے باہر خطاب کرتے ہوئے شیخ رشید احمد نے کہا کہ 15 دن کے لیے سسرال گیا، غریب کی زندگی اجیرن بنادی گئی، عمران خان سے کہا ہے اب آر یا پار کرنے کا وقت آگیا ہے۔

انہوں ںے کہا کہ  مریم بی بی اپنے شوہر کو تو ساتھ ملاؤ لیکن مریم کا بیانیہ گھر میں کوئی نہیں مان رہا، مریم بتاؤ تمھاری حکومت نہیں تو کس کی ہے؟ ہمت کر کے بتاؤ۔رات کے اندھیرے میں لال حویلی پر قبضے کی کوشش کی گئی لال حویلی کسی کے باپ کی نہیں میری ہے، اتوار تک میرے گھر میں ڈکیتی کرنے والے سب کچھ واپس کر دیں ورنہ مقدمہ درج کراؤں گا۔جب تک عمران خان چوروں کے سامنے ڈٹا ہے ،میں اس کے ساتھ ہوں۔شیخ رشید

ہماری لڑائی فوج اور بیورو کریسی سے نہیں ارکان خریدنے والوں سے ہے، یہ سب رشتہ داروں کا گروپ فائیو ہے سب سے بڑا ڈاکو زرداری ہے، زرداری نے مسلم لیگ ن کو تباہ کر دیا، بلو رانی ایسے ملک ملک جارہا ہے جیسے نقشے میں دیکھتا ہو کہ ملک کہاں کہاں ہیں۔یہ صوبے اور مرکز کے الیکشن اکتھے کرانا چاہتے ہیں۔