مریم نواز آج تنظیمی کنونشن سے خطاب اور کل تنظیمی اجلاس کی صدارت کریں گی، مریم اورنگزیب

اسلام آباد: پاکستان مسلم لیگ (ن) کی ترجمان مریم اورنگزیب نے کہا ہے کہ پاکستان مسلم لیگ (ن) کی سینئر نائب صدر مریم نواز شریف (آج) جمعرات کو دو روزہ دورہ پر سرگودھا پہنچیں گی جہاں وہ تنظیمی کنونشن سے خطاب کریں گی۔

پاکستان مسلم لیگ (ن) کی سینئر نائب صدر مریم نواز شریف آج سے سرگودھا کا دو روزہ دورہ کریں گی
مریم نواز شریف آج سرگودھا میں تنظیمی کنونشن سے خطاب کریں گی مریم نواز شریف کی صدارت میں کل 24 فوری کو سرگودھا میں تنظیمی اجلاس ہوگا pic.twitter.com/XZ7P8dLofa

— Marriyum Aurangzeb (@Marriyum_A) February 23, 2023

جمعرات کو اپنے بیان میں انہوں نے کہا کہ مریم نواز شریف کل (24 فروری) کو سرگودھا میں تنظیمی اجلاس کی صدارت کریں گی۔

اجلاس میں پارٹی کے مقامی صدور اور جنرل سیکرٹری شرکت کریں گے۔ اجلاس میں پارٹی کے تنظیمی ڈھانچے اور کارکردگی کا جائزہ لیا جائے گا۔

مریم نواز سوشل میڈیا، خواتین اور یوتھ ونگ کے عہدیداروں سے بھی ملاقات کریں گی۔

واضح رہے کہ مریم نواز نے یکم فروری سے تنظیمی دوروں کا آغاز کیا ہے۔ وہ بہاولپور، ملتان، ایبٹ آباد، اسلام آباد اور راولپنڈی ڈویژنز کے دورے کر چکی ہیں۔