بھارت میں اقلیتوں پر ظلم کی انتہا، دلت نوجوان کو تھوک چٹا دی

تفصیلات کے مطابق بھارت میں اقلیتوں پر مظالم کا سلسلہ تھم نہیں سکا ہے ،  حال ہی میں منظر عام پر آنے والی ایک وڈیو میں دیکھا جا سکتا ہے کہ بہار میں  پنچائیت کا مکھیا ایک گاوں کے رہائشی  سے کہتا ہے زمین پر تھوکو۔ پھر دلیت نوجوان سے زبردستی تھوک چٹوائی جاتی ہے، صرف اسی پر بس نہیں کیا گیا بلکہ اس کے کان پکڑوا کر اٹھک بیٹھک بھی کروائی گئی۔ 17 سالہ نوجوان نے اپنے گاؤں کی ایک لڑکی کے ساتھ بھاگ کر شادی کر لی تھی۔ شادی کے بعد دونوں گاؤں کے ایک گھر میں چھپے ہوئے تھے۔ وڈیو وائرل ہونے کے بعد پولیس نے 6 افراد کو گرفتار کر لیا ہے۔

بھارت میں لاکھوں افراد کو بھوک اور مصائب میں پھنسانے والی مودی سرکار اپنی ناکام پالیسیوں کو چھپانے کے لیے نت نئے سماجی اور مذہبی مسائل پیدا کررہی ہے۔ نریندر مودی کے دوسری بار وزیر اعظم بننے کے بعد انڈیا میں موجود اقلیتوں پر تشدد، دھمکانا، ان کو ہراساں کرنا اور ہجوم کے دوران تشدد کا نشانہ بنانا معمول  کی بات بن چکی ہے۔