وزیر اعظم نے تحریک لبیک پاکستان پر پابندی لگانی کی سمری منظوری کرلی

تفصیلات کے مطابق  وزیر اعظم عمران خان نے  تحریک لبیک پاکستان (ٹی ایل پی ) پر پابندی لگانے کی وزارت داخلہ کی سمری منظوری کر لی ہے، وفاقی کابینہ 24 گھنٹوں میں سرکلر سمری کے ذریعے ٹی ایل پی پر پابندی لگانے کی منظوری دے  گی۔

جی این این کے مطابق ٹی ایل پی کی پرتشدد کارروائیوں سے دو شہید،580 اہلکار زخمی ہوئے تھے،  قانون نافذ کرنے والے اداروں کی 30 گاڑیوں کو نقصان پہنچایا ہے، ٹی ایل پی کے 2063کارکن گرفتار، 115 ایف آئی آر درج کر لی گئیں۔

 لاہور شہر میں چار مقامات سمیت پنجاب بھر میں دس جگہوں پر تاحال مظاہرے جاری ہیں۔خیبر پختونخوا میں پشاور، صوابی اور چارسدہ سے 321 گرفتاریاں عمل میں لائی گئیں،   آزاد کشمیر میں 21 پولیس اہلکار زخمی اور 96 کارکن گرفتار کئے گئے ہیں ۔

مذہبی جماعت کے احتجاج کے باعث شہر کے 8 مقامات بند ہیں،  سبزہ زار جانب سکیم موڑ، کالی کوٹھی سٹاپ جانب سکیم موڑ بند ہیں۔ داروغہ والا جانب نیازی شہید روڈ،  نیازی شہید چوک جانب محمود بوٹی رنگ روڈ بند ہیں۔چونگی امرسدھو، کچا جیل روڈ، پلی ون وے اور یتم خانہ چوک بند ہیں۔