پاکستانی یونیورسٹیوں نے ترکی میں زلزلہ متاثرین کیلئے 500 ملین روپے سے زائدعطیے کی یقین دہانی کرادی

اسلام آباد: پاکستانی یونیورسٹیوں نے ترکی میں زلزلہ امدادی سرگرمیوں کے لیے 500 ملین زاد عطیہ کیے۔

پرائیویٹ سیکٹر یونیورسٹیز پاکستان (اے پی ایس یو پی) کے زیراہتمام استنبول میں یوریشین ہائر ایجوکیشن سمٹ میں 18 یونیورسٹیوں کے 34 رکنی اعلیٰ سطحی پاکستانی وفد نے شرکت کی۔

یونیورسٹیوں نے ترکی کے زلزلے سے متاثرہ علاقوں کے لیے 500 ملین سے زیادہ دینے کا وعدہ کیا جو متاثرہ علاقوں کے طلبہ کے لیے امداد، بحالی اور اسکالرشپ پر خرچ کیے جائیں گے۔

سمٹ کے دوران پاکستانی پویلین قائم کیا گیا اور اے پی ایس یو پی کے چیئرمین پروفیسر ڈاکٹر عبدالرحمٰن نے ریکٹر سپیریئر یونیورسٹی پروفیسر ڈاکٹر سمیرا رحمن کے ہمراہ 400,000 ترک لیرا کا چیک ایلیف آئیڈین کے حوالے کیا۔

یوریشین یونیورسٹیز یونین کے صدر پروفیسر ڈاکٹر مصطفیٰ آیدین نے اے پی ایس یو پی اور پاکستانی قوم کا شکریہ ادا کیا کہ وہ ترک عوام کی مسلسل حمایت کرتے ہیں،

پاکستان کی متعدد یونیورسٹیوں نے ترکی کے زلزلے سے متاثرہ افراد کی مدد کی۔

لاہور یونیورسٹی نے 150 ٹن کھانے کی اشیاء، فائر پروف اور واٹر پروف ٹینٹ، کمبل اور ادویات کی شکل میں ایک ملین امریکی ڈالر کا عطیہ دیا۔