اسلام آباد: ذرائع کے مطابق وفاقی کابینہ نے تحریک لبیک پاکستان پر پابندی کی منظوری دے دی ہے۔

ذرائع کے مطابق وفاقی کابینہ نے تحریک لبیک پاکستان پر پابندی کی منظوری دیدی ہے، وفاقی کابینہ نے انسداد دہشت گردی ایکٹ کے تحت پابندی کی منظوری دی ہے ۔ وفاقی کابینہ سے منظوری سرکولیشن سمری کے ذریعے لی گئی۔کابینہ ڈویژن کے ذرائع کا کہنا ہے کہ سمری وزارت داخلہ کی جانب سے بھیجی گئی تھی، سمری کے مطابق پنجاب حکومت نے تحریک لبیک پاکستان پر پابندی کی سفارش کی تھی۔
ذرائع کے مطابق وزارت داخلہ نے سمری انسداد دہشتگردی ایکٹ کے رول 11 بی کے تحت تیار کی، انسداد دہشتگردی ایکٹ 1997 کی شق 11 بی وفاقی حکومت کو کسی تنظیم کو کالعدم قرار دینے کا اختیار دیتی ہے۔
یاد رہے کہ گزشتہ روز وزیر اعظم عمران خان نے تحریک لبیک پاکستان (ٹی ایل پی ) پر پابندی لگانے کی وزارت داخلہ کی سمری منظوری کی تھی ۔ حکومت کی جانب سے پُرتشدد واقعات اور احتجاج کی آڑ میں سرکاری و نجی املاک پر حملوں کے بعد تحریک لبیک پر پابندی لگانے کا فیصلہ کیا گیا ۔
واضح رہے کہ گزشتہ چار روز سے ٹی ایل پی کی پرتشدد کارروائیوں سے دو شہید،580 اہلکار زخمی ہوئے تھے، قانون نافذ کرنے والے اداروں کی 30 گاڑیوں کو نقصان پہنچایا گیا ، جماعت کے 2063کارکن گرفتارجبکہ 115 ایف آئی آر درج کر لی گئیں۔خیبر پختونخوا میں پشاور، صوابی اور چارسدہ سے 321 گرفتاریاں عمل میں لائی گئیں، آزاد کشمیر میں 21 پولیس اہلکار زخمی اور 96 کارکن گرفتار کئے گئے۔ لاہور میں زخمی پولیس افسران و اہلکاروں کی تعداد 125 ہو گئی۔ ایک درجن سے زائد انٹی رائیٹ اہلکاروں کے سامان کو بھی آگ لگائی گئی۔لاہور میں رات گئے آپریشن کیا گیا اور شنگھائی پل فیروز پور روڈ کو مظاہرین سے کلیئر کرا لیا گیا، پولیس اور رینجرز نے چونگی امرسدھو کو بھی ٹریفک کیلئے بحال کردیا گیا ۔

پیٹرول اور ڈیزل کی قیمتوں میں کمی کا اعلان
- 14 دن قبل

پولیس افسران کی ترقیوں کے خلاف پنجاب حکومت کی اپیلیں خارج
- 12 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 11 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 11 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 11 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 11 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 13 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 12 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 12 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 12 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 دن قبل
پہلے ایل پی جی اوراب بجلی بم گرا دیا گیا
- 12 دن قبل



