تحریک لبیک پاکستان (ٹی ایل پی ) کالعدم قرار، نوٹیفکیشن جاری

تفصیلات کے مطابق  وزارت داخلہ نے تحریک لبیک پاکستان ( ٹی ایل پی) کو کالعدم قرار دے دیا۔ وزارت داخلہ نے تحریک لبیک پاکستان پر پابندی کا نوٹیفکیشن جاری کردیا ہے۔ انسداد دہشت گردی ایکٹ 1997کے تحت تحریک لبیک پاکستان کو کالعدم قرار دیا گیا ہے۔

نوٹیفکیشن میں کہا گیا ہے کہ  تحریک لبیک پاکستان ملک میں دہشت گردی اور دوسرے گھناؤنے جرائم میں ملوث ہے۔ تحریک لبیک پاکستان  ملک میں لوگوں کواکسا کر انتشار پیدا کرنے میں ملوث ہے اس کے ساتھ ساتھ قانون نافذ کرنے والے اداروں کے اہلکاروں کی اموات اور زخمی کرنے میں بھی  ملوث ہے۔

واضح  رہےکہ وفاقی وزیر داخلہ شیخ رشید نےگذشتہ روز  تحریک لبیک پر پابندی لگانےکا اعلان کیا تھا۔