اے این ایف کی کارروائیاں، اسلام آبادایئرپورٹ پر قطر جانے والے شخص سے 2 کلو آئس برآمد

اسلام آباد: اینٹی نارکوٹکس فورس (اے این ایف ) نے منشیات کے خلاف ملک بھر میں کامیاب کارروائیوں کا سلسلہ شروع کر رکھا ہے۔

اے این ایف کے ترجمان کے مطابق اے این ایف اور اے ایس ایف کی اسلام آباد انٹرنیشنل ائیرپورٹ پر مشترکہ کارروائی کرتے ہوئےقطرجانے والے ملزم کے ٹرالی بیگ سے 2 کلو 24 گرام آئس برآمد کر کے صوابی کا رہائشی ملزم گرفتار کر لیا ہے۔

اسلام آباد انٹرنیشنل ائیرپورٹ سے دبئی جانے والے ملزم کے پیٹ سے 131 ہیروئن بھرے کیپسولز برآمد کر کےخیبر ایجنسی کا رہائشی ملزم گرفتار کر لیا ہے۔

لاہور انٹرنیشنل ائیرپورٹ سے بنکاک جانے والے ملزم کے پیٹ سے 30 ہیروئن بھرے کیپسولز برآمد کر کےپاکپتن کا رہائشی ملزم گرفتار کر لیا ہے۔

فیصل آباد میں کارروائی کرتے ہوئے کار سے 4 کلو 800 گرام افیون برآمد کر کےفیصل آباد کے رہائشی 2 ملزمان گرفتار کیا گیا ہے۔

اے این ایف اور ایف سی نے خیبر میں 2 مختلف مشترکہ کارروائیوں کے دوران پلاسٹک کے تھیلوں سے مجموعی طور پر 43 کلو چرس برآمد کئے۔

افغانستان سے بلوچستان کے راستے منشیات سمگلنگ کی کوشش ناکام بنائی۔ چاغی کے قریب کارروائی کرتے ہوئے 25 کلو کرسٹل ہیروئن برآمد کر لیں۔ گرفتار مُلزمان کے خلاف انسدادِ منشیات ایکٹ کے تحت مقدمات درج کر لئے گئے ہیں۔