سعودی وزیر خارجہ کی شامی صدر سے ملاقات

سعودی عرب کے وزیر خارجہ شہزادہ فیصل بن فرحان نے دمشق میں شامی صدر بشارالاسد سے ملاقات کی ہے۔

سعودی وزارتِ خارجہ کا کہنا تھا کہ سعودی حکام کی خواہش ہے کہ شام میں جاری بحران کا سیاسی حل نکالا جائے۔سعودی عرب شام کے بحران کے ایسے حل کا حامی ہے جو اس کے اتحاد، سلامتی، استحکام اور اس کی عرب شناخت کو برقرار رکھے اور اسے اس کے عرب ماحول میں اس طرح بحال کرے جس سے اس کے برادرعوام کی فلاح وبہبود میں مدد ملے۔

سعودی عرب اور شام نے سفارتی تعلقات بحال کرنے سے اتفاق کیا ہے۔واضح رہے کہ 19 مئی کو الریاض میں عرب لیگ کا آیندہ سربراہ اجلاس ہورہا ہے اور اس سے قبل شام کی تنظیم میں واپسی کے لیے سیاسی سرگرمیوں میں تیزی آئی ہے۔