بلاول بھٹو کا بھارت کا دورہ کشمیریوں کی پیٹھ میں خنجرگھونپنےکے مترادف ہے،فواد چوہدری

پاکستان تحریک انصاف  کے رہنما اور سابق وفاقی وزیر فواد چوہدری کا کہنا ہےکہ بلاول بھٹو کا بھارت کا دورہ کشمیریوں کی جدوجہد کی پیٹھ میں خنجرگھونپنےکے مترادف ہے۔

اپنے ٹویٹ میں فواد چوہدری کا کہنا تھا کہ کشمیر کےمعاملےکو دفن کرکےبھارت سے تعلقات بنانا انٹرنیشنل ایجنڈےکا حصہ ہے، ایجنڈے کے تحت اس حکومت کو پاکستان پر مسلط کیا گیا۔ بھارت سمیت دیگر ممالک سے تعلقات کے حامی ہیں، تعلقات برابری کی سطح پر اور بنیادی معاملات پر تصفیہ کے لیے ہونے چاہئیں، پاکستان اپنے قریبی دوست ممالک کے لیے اہمیت کھو رہا ہے۔

بلاول بھٹو کا ہندوستان کا دورہ کشمیریوں کی جدوجہد کی پیٹھ میں خنجر گھونپنے کے مترادف ہے ،کشمیر کے معاملے کو دفن کر کے ہندوستان سے تعلقات بنانا اس انٹرنیشنل ایجنڈے کا حصہ ہےجس کے تحت اس حکومت کو پاکستان پر مسلط کیا گیا، بھارت سمیت دیگر ممالک سے تعلقات کے حامی ہیں لیکن کسی طور بھی…

— Ch Fawad Hussain (@fawadchaudhry) April 21, 2023

سپریم کورٹ پریکٹس اینڈ پروسیجر بل کے باقاعدہ قانون بننے کے حوالے سے ان کا کہنا تھا کہ  سپریم کورٹ کا آرڈریہ تھا کہ جب سپریم کورٹ پریکٹس اینڈ پروسیجر قانون بنے گا تو اگلے لمحے معطل ہو جائےگا، سپریم کورٹ نے پریکٹس اینڈ پروسیجربل کو قانون بننے سے نہیں روکا۔

فواد چوہدری کا کہنا تھا کہ یہ قانون اس وقت تک قابل عمل نہیں جب تک سپریم کورٹ حکم امتناع واپس نہ لے، سپریم کورٹ 3 مئی کوسماعت کرےگی، جوفیصلہ ہوگا سب پربائنڈنگ ہوگا۔