پی آئی اے کی ایک اورفضائی میزبان ٹورنٹومیں غائب

جی این این کے مطابق ایئرہوسٹس زاہدہ بلوچ29 جنوری کو کراچی سے ٹورنٹوکی پرواز پی کے797 پرگئی تھی اور اسے ۔ پرواز پی کے سیون ایٹ فور پر واپس آنا تھا۔ تاہم اکتیس جنوری کو واپسی پر پتہ چلا کہ فضائی میزبان کا کچھ اتا پتہ نہیں ۔اس سے قبل 27جنوری کورمضان گل نامی فلا ئٹ اسٹیورڈبھی ٹورنٹو پہنچنے پرلاپتہ ہواتھا ، کینیڈا کے اسٹیشن منیجر نے ایئر پورٹ اتھارٹی کو فضائی میزبان کے لاپتہ ہونے کی اطلاع دی، جس پر پی آئی اے انتظامیہ نے فضائی میزبان کی کینیڈا میں گمشدگی کا نوٹس لے لیا۔ترجمان پی آئی اے کے مطابق فضائی میزبان کے خلاف ضابطےکی کارروائی عمل میں لائی جائے گی ۔ کینیڈین امیگریشن اتھارٹی کو بھی آگاہ کردیا گیا ہے ۔

پی آئی اے نے فضائی میزبانوں کیلئے نیا ہدایت نامہ جاری کردیا۔ جس کے تحت فضائی میزبانوں کے پاسپورٹ اسٹیشن منیجر کی تحویل میں رہیں گے ۔کیبن کریو کو امیگریشن اورکسٹم کلیئرنس کے بعد پاسپورٹ جمع کرانا لازم ہوگا ۔ پروازوں کی روانگی کے وقت چیک ان پر پاسپورٹ واپس کیاجائیگا ۔  ہوٹل میں بھی عملے کی جانچ پڑتال کی جائیگی ۔ کسی بھی فضائی میزبان کی کمی پرہوٹل عملہ فوری اطلاع دے گا ۔