کورکمانڈر ہاؤس پر حملے کرنیوالوں اور سہولت کاروں کو72 گھنٹوں میں گرفتار کیا جائے: شہباز شریف

کورکمانڈر ہاؤس کے دورے کے دوران شہباز شریف کا کہنا تھا کہ جناح ہاؤس مکمل طور پر جل چکا ہے، دیکھ کر دل خون کے آنسو رو رہا ہے، بلوائیوں اور سہولت کاروں کو کوئی رعایت نہ دی جائے اور 72 گھنٹوں میں گرفتارکیا جائے۔

75 سالہ تاریخ میں جو دشمن نہ کر سکا وہ عمران نیازی نے کر دیا۔ اس طرح کا کام کوئی پاکستانی سوچ بھی نہیں سکتا۔ جلاؤ گھیراؤ، توڑ پھوڑ کر کے بد ترین دہشت گردی کا ثبوت دیا گیا۔

 مسلم لیگ ن کے سربراہ شہباز شریف کا مذید کہنا تھا کہ ایسی دہشت گردی کسی صورت قبول نہیں، اس المناک واقعے سے قوم غمگین ہے۔

جنہوں نے ریاستی املاک کو نقصان پہنچانے کی منصوبہ بندی کی انہیں بھی قانون کے کٹہرے میں لائیں گے۔

سکیورٹی فورسز نے ملک کے لئے بہت قربانیاں دیں، عمران خان کا جتھہ دہشت گردوں سے کم نہیں ہے، شرپسندوں کو ہر صورت انجام تک پہنچائیں گے۔

دہشت گردی واقعات میں ملوث افراد کو قانون کے مطابق سزا دی جائے گی۔