جن فیملیز کا تقدس پامال ہوا، ان کے گھر میں جاکر معافی مانگنے کو تیار ہوں: خواجہ آصف

سیالکوٹ میں پریس کانفرنس کرتے ہوئے وفاقی وزیر دفاع خواجہ آصف نے پی ٹی آئی رہنما عثمان ڈار کے گھر پولیس کارروائی سے متعلق کہا ہے کہ انتظامیہ اور پولیس نے جو کیا وہ باعث ندامت ہے۔

انہوں نے کہا کہ عثمان ڈار کی والدہ میری بہن ہیں، سوچ  ہی نہیں سکتا تھا کہ ان کے ساتھ ایسا رویہ ہوگا،

ہماری سیاست میں کہیں بھی انتقام کا لفظ موجود نہیں، ذاتی طور پر شرمندہ ہوں اور جتنی بھی مذمت کی جائے ان چیزوں کی وہ کم ہے۔

خواجہ آصف کا کہنا تھا کہ جن فیملیز کا تقدس پامال ہوا، میں معافی مانگتا ہوں، ذاتیات پر مبنی سیاست نہیں کرتا، اگر ہمارے ساتھ کچھ ہوا ہےتوبھی ہمیں حق نہیں کہ مخالفین کےساتھ اس طرح رویہ رکھاجائے۔

انتظامیہ اور پولیس کا کچھ نہیں جاتا، میرے لیے باعث شرم ہے، جن خواتین کی عزت پامال ہوئی، ان کے گھروں پر جاکر معافی مانگنے کیلئے تیارہوں۔

دوسری جانب پی ٹی آئی رہنما عثمان ڈار نے کہا ہے کہ خواجہ آصف حملے کی منصوبہ بندی میں براہ راست ملوث ہیں۔

انہوں نے کہا کہ خواجہ آصف کے احکامات پر ہی پولیس نے ان کے گھر اور سیکرٹریٹ پر دھاوا بولا، ان کے خلاف قانونی کارروائی کروں گا۔