عدلیہ نے ملک کو انارکی اور خانہ جنگی سے بچایا ہے،شیخ رشید

عوامی مسلم لیگ کے سربراہ شیخ رشید کا کہنا ہے کہ عدلیہ نے ملک کو انارکی اور خانہ جنگی سے بچایا ہے، سپریم کورٹ پر حملہ کرنا ن لیگ کو وراثت میں ملا ہے۔

سماجی رابطے کی ویب سائٹ ٹویٹر پر اپنی ٹویٹ میں سابق وزیر داخلہ شیخ رشید کا کہنا تھا کہ سپریم کورٹ پرحملہ کرنا ن لیگ کو وراثت میں ملا ہے، ججز کو لٹکانے اور دھرنے کی باتیں عدلیہ کے خلاف اعلان جنگ ہے، اور رجسٹرار سپریم کورٹ کے اجلاس میں پولیس کی عدم شرکت سول نافرمانی کی دلیل ہے۔

فوج عظیم ہےن لیگ کی فرمائشی نمائشی اوردیکھاوے کی ریلویوں کی محتاج نہیں ججزکولٹکانےگھروں کوآگ لگانےاوردھرنادینےکی باتیں عدلیہ کےخلاف اعلان جنگ ہےعدلیہ نےانارکی اورخانہ جنگی کوبچایاہےکل سے فائنل راؤنڈ شروع ہے2_4ہفتوں میں فیصلہ ہوجائےگا الیکشن ہوں گےآگ اورخون کی سیاست ختم ہوکررہےگی

— Sheikh Rashid Ahmed (@ShkhRasheed) May 14, 2023

شیخ رشید کا کہنا تھا کہ عدلیہ نے ملک کو انارکی اور خانہ جنگی سے بچایا ہے، کل سے فائنل راؤنڈ شروع ہے، 2 سے 4 ہفتوں میں فیصلہ ہو جائے گا، الیکشن ہوں گے، آگ اور خون کی سیاست ختم ہو کر رہے گی۔سپریم کورٹ پر حملہ کرنا ن لیگ کو وراثت میں ملا ہے۔

سربراہ عوامی مسلم لیگ نے مزید کہا کہ معاشی حالات مخدوش اور بحران سنگین ہے، 20 کلو آٹے کا تھیلا 3400 روپے کا ہو گیا ہے، کسی پارٹی کو بین کرنا آسان نہیں ہوگا۔ فوج کے حساس اداروں کی عمارتوں پر حملے کی غیر جانبدارتحقیقات کرائی جائیں، فوج عظیم ہے، ن لیگ کی فرمائشی، نمائشی اور دکھاوے کی ریلویوں کی محتاج نہیں۔