ملک بھر میں پاک فوج کے حق میں ریلیاں نکلالی گئیں

تفصیلات کے مطابق پاکستان تحریک انصاف کے چیئرمین اور سابق وزیر اعظم عمران خان کی القادر ٹرسٹ کیس میں گرفتاری کےپی ٹی آئی کارکنوں کی جانب سے فوجی علاقوں میں جلائوگھیرائو کے واقعات کے بعد ملک بھر میں پاک فوج سے اظہار یکجہتی کے لیے ریلیاں نکالی گئیں۔

کندھ کوٹ ، پاک پتن ،سکھیکی ، لیاقت پور اورنوشہرہ کے عوام سڑکوں پر نکل آئے ۔

شرکاء نے فوجی جوانوں کو پھول پہنائے ، اور پاک فوج زندہ باد کے نعرے لگائے۔

فیصل آباد میں بھی پاک فوج کو بدنام کرنے کی سازش کےمقابلے کیلئے شہری سڑکوں پر آگئے، اور پاک آرمی سے اظہاریکجہتی کیلئےریلی کا انعقاد کیا گیا۔جس میں بڑی تعداد میں شہریوں نے شرکت کی۔

سرگودھا میں بھی شہری پاک فوج کے حق میں سامنے آگئے۔گوجرانوالہ میں کینٹ گیٹ پر بلوائیوں کے حملے کا جواب مختلف اسکولوں کے بچے بچیاں گیریژن پہنچ گئے ،بچوں نے ڈیوٹی پر موجود جوانوں کو پھول پیش کیے ۔

پاکپتن ، بہاولپور، لیاقت پور ،دنیا پوراور پنڈی بھٹیاں میں بھی پاک فوج زندہ باد ریلیاں نکالیں گئیں، جن میں سول سوسائٹی کے نمائندوں اور تاجروں نے شرکت کی۔

اسی طرح خیرپور، کندھ کوٹ اور شکارپور میں بھی شہری سڑکوں پر نکل آئے اورپاک فوج کے جوانوں کو خراج تحسین پیش کیا اور9 مئی کے واقعات کی شدید مذمت کی

ایبٹ آباد، نوشہرہ اور باجوڑ میں بھی افواج پاکستان کے حق میں شہریوں نے ریلیاں نکالیں، جن میں قبائلی مشران، تاجر برادری اوروکلا کمیونٹی نے شرکت کی۔اس دوران فضا پاک فوج زندہ باد کے نعروں سے گونج اٹھی۔