اردن کے ولی عہد کی سعودی ماہر تعمیرات سے شادی کی تقریبات شروع ہوگئیں

اردن کے ولی عہد حسین بن عبداللہ دوم کی 28 سالہ سعودی ماہر تعمیرات رجوا خالد بن موسیٰ بن سیف بن عبدالعزیز السیف سے شادی کی تقریبات کا آغاز ہو گیا ہے۔

تفصیلات کے مطابق اردنی ولی عہد کی شادی کی تقریبات کا آغاز ایک تقریب اور ملکہ رانیہ کی جانب سے دی گئی شاندار ڈنر پارٹی سے ہوا۔

تقریب میں شاہی خاندان کے علاوہ دلہن کے خاندان کے افراد اور دیگر اہم شخصیات نے شرکت کی۔

مہندی کی تقریب اور عشائیے میں معروف گلوکاروں اور میوزیکل گروپس کی پرفارمنس کے علاوہ روایتی اردنی اور سعودی گانے بھی گائے گئے۔

تقریب میں ولی عہد کی منگیتر نے سعودی برانڈ کا مہنگا ترین لباس زیب تن کیا۔

اردن کے ولی عہد حسین اور راجوا السیف کی شادی یکم جون کو شاہی محل میں ہوگی۔