عمران خان کا ای سی ایل میں نام ڈالنے پر حکومت کا شکریہ

چئیرمین پاکستان تحریک انصاف عمران خان نے ایگزٹ کنٹرول لسٹ میں نام ڈالنے پرحکومت کا شکریہ ادا کیا ہے۔

اپنےٹویٹ میں پاکستان تحریک انصاف کے چئیرمین اور سابق وزیر اعظم عمران خان نے کہا کہ میری بیرون ملک کوئی جائیداد اور کاروبار نہیں ہے یہاں تک کہ میرا کوئی بیرون ملک بینک اکاؤنٹ تک نہیں ہے۔عمران خان کا مزید کہنا ہے کہ اگر کبھی چھٹیوں پر بھی جانا ہوا تو پاکستان کے شمالی علاقوں میں جاؤں گا جو دنیا میں میری سب سے پسندیدہ جگہ ہے۔

اپنے نام کے ECL میں شامل کئے جانے پر میں (پی ڈی ایم) حکومت کا شکرگزار ہوں کہ میرا باہر جانے کا کوئی ارادہ نہیں کیونکہ میری جائیدادیں یا کاروبار ملک سے باہر ہیں نہ ہی میرا کوئی بنک اکاؤنٹ۔

اگر کبھی کسی روز مجھے چھٹی کا موقع ملا تو میں شمالی پہاڑوں کا رُخ کروں گا جو کرّہ ارض پر…

— Imran Khan (@ImranKhanPTI) May 26, 2023

اس سے قبل عمران خان نے اپنے ٹویٹ میں ایک مرسلہ شیئر کرتے ہوئے کہا کہ ‏محترم چیف جسٹس صاحب سابق وفاقی وزیر اور رکن قومی اسمبلی مراد سعید نے اس خط کے ذریعے آپ کو اپنی زندگی کو لاحق سنگین خطرات سے آگاہ کیا ہے۔

محترم چیف جسٹس صاحب! سابق وفاقی وزیر اور رکن قومی اسمبلی مراد سعید نے اس خط کے ذریعے آپ کو اپنی زندگی کو لاحق سنگین خطرات سے آگاہ کیا ہے۔

سپریم کورٹ کے محترم چیف جسٹس صاحب ہی وہ واحد شخصیت ہیں جو مراد سعید کی سلامتی کو یقینی بنا سکتے ہیں۔

ارشد شریف کیطرح ایجنسیز مراد سعید کے… pic.twitter.com/9lM8Jm1TcC

— Imran Khan (@ImranKhanPTI) May 25, 2023

عمران خان نے مزید کہا کہ ‏سپریم کورٹ کے محترم چیف جسٹس صاحب ہی وہ واحد شخصیت ہیں جو مراد سعید کی سلامتی کو یقینی بنا سکتے ہیں، ‏ارشد شریف کی طرح ایجنسیز مراد سعید کے قتل کے بھی در پے ہیں۔میری محترم چیف جسٹس صاحب سے گزارش ہے کہ مراد سعید کی زندگی کے تحفظ کیلئے جو کچھ آپ کے بس میں ہے، کریں۔