سپریم کورٹ کے پانچ رکنی بینچ نے آڈیو لیکس کمیشن کے قیام کا نوٹفیکیشن معطل کر دیا

سپریم کورٹ نے کہا ہے کہ کسی بھی جوڈیشل کمیشن میں ججز کی نامزدگی کے لیے چیف جسٹس کی مشاورت ضروری ہے، حکومت کی جانب سے براہ راست ججز کو نامزد کرنے سےججوں پر شبہات پیدا ہوئے۔

حکومت عدلیہ کے معاملات میں مداخلت کی مجاز نہیں ہے، ہائیکورٹس کی چیف جسٹس کی نامزدگی پرمشورہ  وفاقیت کے اصول تحت لازمی ہے۔ 

سپریم کورٹ نے کمیشن کو کام کرنے سے روکتے ہوئے کیس کی سماعت31 مئی تک ملتوی کردی ہے جبکہ تمام فریقین کو نوٹسز بھی جاری کردیئے گئے ہیں۔ 

انکوائری کمیشن کے خلاف عمران خان، صدر سپریم کورٹ بار عابد زبیری، ریاض حنیف راہی اور مقتدر شبیر نے درخواستیں دائر کی تھیں۔ درخواستوں میں مبینہ آڈیو تحقیقاتی کمیشن کی تشکیل کے نوٹیفکیشن کو کالعدم قرار دینے کی استدعا کی گئی تھی۔