وزیر اعظم نے سینیٹ الیکشن میں مسلم لیگ ق کے امیدوار کے نام کی منظوری دے دی

تفصیلات کے مطابق  وزیر اعظم عمران خان سے مسلم لیگ ق کی قیادت کی ملاقات ہوئی،ملاقات میں  سپیکر پنجاب اسمبلی چودھری پرویزالٰہی طارق بشیر چیمہ اور مونس الٰہی ملاقات میں شریک ہوئے جبکہ حکومت کی جانب سے شاہ محمود قریشی پرویز خٹک اور شفقت محمود  شریک ہوئے۔

اس  ملاقات میں سینیٹ انتخابات کے حوالہ سے تبادلہ خیال کیا گیا،  وزیر اعظم نے ق لیگ کی جانب سے سینیٹ الیکشن میں  اتحادی امیدوار کامل علی  آغا کے نام کی منظوری دے دی، حکومت نے سینیٹ انتخاب کیلئے کمیٹی بھی تشکیل دے دی، پنجاب کے لیے سینیٹ حکمت عملی بارے چوہدری پرویز الٰہی ،  سردار عثمان بزدار اور گورنر چوہدری محمد سرور  شامل ہیں۔وزیر اعظم  نے مسلم لیگ ق کی قیادت کو یقین دہانی کرائی کہ  سینیٹ کے حوالہ سے اتحادیوں کی مشاورت سے آگے چلیں گے۔

سپیکر پنجاب اسمبلی چوہدری پرویز الہی  نے وزیر اعظم کو پنجاب اسمبلی نئی عمارت کے افتتاح کی دعوت دی، وزیر اعظم عمران خان نے  نے دعوت قبول کر لی۔