پاکستان میں سقوط معیشت ہوچکا ہے،شیخ رشید

عوامی مسلم لیگ کے سربراہ و سابق وفاقی وزیر داخلہ شیخ رشید احمد نے کہا ہے کہ پاکستان میں سقوط معیشت ہوچکا ہے، بلومبرگ نے کہا ہے کہ پاکستان ڈیفالٹ ہونے جارہے ہیں،

ایک طرف معاشی خودمختاری داؤپرلگادی دوسری طرف عوام کوغربت کےسمندر میں ڈبودیاساری سیاسی نااہلی ناکامی حکومت کی ہےاب ملبہ کسی اورپرڈال رہی ہےمیں اداروں اورعدلیہ سےاپیل کرتا ہوں کیرم بورڈحکومت کو الیکشن کیطرف جانےپرمجبورکریں ورنہ نہ رہےگابانس نہ بجےگی بانسری ٹرین چھوٹ جائے گی

— Sheikh Rashid Ahmed (@ShkhRasheed) June 15, 2023

اپنے ٹیوٹ میں شیخ رشید کا کہنا تھا کہ ایک طرف معاشی خودمختاری داؤ پر لگا دی، دوسری طرف عوام کو غربت کے سمندر میں ڈبو دیا، ساری سیاسی نااہلی اور ناکامی حکومت کی ہے اب ملبہ کسی اور پر ڈال رہی ہے، میں اداروں اور عدلیہ سے اپیل کرتا ہوں کیرم بورڈ حکومت کو الیکشن کی طرف جانے پر مجبور کریں۔

انہوں نے کہا کہ ایسا نہ ہوا تو نہ رہے گا بانس نہ بجے گی بانسری، ٹرین چھوٹ جائے گی، غربت کے مارے چوک چوراہوں میں لوٹ مارکر رہے ہیں، مشکلات اور آفات میں لیڈر اپنی عوام میں ہوتے ہیں ملک سے باہر نہیں ہوتے، انہوں نے سیاست کے لیے ریاست کو داؤ پر لگا دیا ہے۔

پاکستان میں سقوط معیشت ہوچکاہےبلومبرگ نےکہاڈیفالٹ ہونےجارہےہیں50فیصدٹیکسٹائل فیکٹری بند11فیصدترسیلات کم50فیصدمہنگائی زیاده ڈیجیٹل اکاونٹ لاپتہ10لاکھ لوگ بیروزگارایک کروڑلوگ غربت کی لکیرسےنیچےغیرملکی کمپنیاں ملک چھوڑکرجارہی ہیں5ڈالرخیرات نہیں مل رہی یہ بےمقصدغیرملکی دوروں پرہیں

— Sheikh Rashid Ahmed (@ShkhRasheed) June 15, 2023

سابق وفاقی وزیر نے کہا کہ حکومت کا آئی ایم ایف سے معاہدہ نہیں ہو سکا یہ ملک میں ایمرجنسی لگانا چاہتے ہیں حالانکہ ضرورت الیکشن ایمرجنسی کی ہے۔50 فیصد ٹیکسٹائل فیکٹری بند،11فیصد ترسیلات کم،50فیصد مہنگائی زیادہ ہو چکی ہے، ڈیجیٹل اکاؤنٹ لاپتہ ،10لاکھ لوگ بیروزگار اور ایک کروڑ لوگ غربت کی لکیر سے نیچے جا چکے ہیں۔

شیخ رشید کا مزید کہنا تھا کہ غیر ملکی کمپنیاں ملک چھوڑ کر جارہی ہیں،5 ڈالر خیرات نہیں مل رہی، یہ بے مقصد غیر ملکی دوروں پر ہیں، حکومت بے گناہ ورکروں کو رات کو گھروں سے اٹھارہی ہے

36 کروڑ روپے میں کراچی کا میئر ppp کے لیے کوئی مہنگا سودا نہیں ہے میں نےہفتہ پہلےہی کہہ دیا تھا کہ دوبئی میں خرید و فروخت کی منڈی لگ گئی ہےاورحافظ نعیم کو کسی صورت میئر نہیں بننے دیاجائے گاحافظ نعیم کو خرید و فروخت کی سیاست میں تو شکست ہوئی ہے عوام میں نہیں لیکن جماعت اسلامی کو…

— Sheikh Rashid Ahmed (@ShkhRasheed) June 15, 2023

36 کروڑ روپے میں کراچی کا میئر ppp کے لیے کوئی مہنگا سودا نہیں ہے میں نےہفتہ پہلےہی کہہ دیا تھا کہ دوبئی میں خرید و فروخت کی منڈی لگ گئی ہےاورحافظ نعیم کو کسی صورت میئر نہیں بننے دیاجائے گا۔حافظ نعیم کو خرید و فروخت کی سیاست میں تو شکست ہوئی ہے عوام میں نہیں۔

جماعت اسلامی کو اب فیصلہ کرنا ہوگا کہ ضمیر فروشوں اور منتخب نمائندوں کو خرید نے والوں کے ساتھ کیسے نمٹنا ہے مجھے امید ہے کہ جماعت اسلامی حسب معمول عوام کے ساتھ کھڑی ہوگی ضمیر کے سوداگروں کے ساتھ نہیں۔