بھارت میں مسلسل چار روزسے کوروناکیسیزکا نیا ریکارڈ بننے لگا، آکسیجن کی بھی شدید قلت برقرار

غیر ملکی خبر ایجنسی کے مطابق  جان لیوا کورونا وائرس بھارت میں قہر ڈھانے لگا۔ایک روز میں تین لاکھ 49ہزار سے زائد نئے کیس سامنے آگئے ہیں  جبکہ دو ہزار سات سو سے زائد اموات بھی رپورٹ ہوئی ہیں  ۔

ممبئی میں ہرتین میں سے ایک شخص مہلک وائرس کا شکارہونے لگا۔اسپتالوں میں  جگہ ختم  ہوگئی۔بھوپال سمیت کئی شہرو ں میں ٹرین کی بوگیوں کو آئسولیشن سینٹرز میں تبدیل کردیاگیا۔

بھارت میں  آکسیجن کی مانگ بھی پوری نہ ہوسکی۔ہریانہ کے مقامی اسپتال میں آکسیجن کی کمی سے4افراد مارےگئے۔احمدآباد کا آکسیجن پلانٹ چوبیس گھنٹے کام کرنےلگا۔بھارتی ائیرفورس کا طیارہ  بھی سنگاپور سے  آکسیجن ٹینکر لےکرمغربی بنگال پہنچ گیا۔

بھارت کی کئی ریاستوں میں کورونا ویکسین بھی کم پڑگئی ہے۔دہلی میں نافذ کورونا لاک ڈاون میں ایک ہفتے کیلئے توسیع کردی گئی۔لاک ڈاؤن کی خلاف ورزی کرنیوالوں کو سڑک پرہی سزائیں ملنے لگیں۔

بھارتی اداکاراکشے کمار نےکورونا سے متاثرہ افراد کی مدد کیلئے ایک کروڑبھارتی روپےعطیہ کردیے۔امریکہ نے بھارت کو امدادپہنچانے کا اعلان کردیا۔

بھارت میں کورونا وائرس کے مہلک وار جاری ہیں ،  برطانیہ  نے وینٹی لیٹرز سمیت 600 سے زائدمیڈیکل آلات بھارت بھیجنے کا اعلان کردیا ہے۔