پاکستان میں شدید بارشوں سے 12 افراد ہلاک، متعدد زخمی

لاہور: پاکستان کے مختلف علاقوں میں ایک ہفتے سے جاری شدید گرمی کے بعد بارشوں نے تباہی مچادی، جس کے نتیجے میں 12 افراد جاں بحق جب کہ 15 زخمی ہوگئے۔

تفصیلات کے مطابق بارش کے باعث درجہ حرارت میں بھی کمی آئی تاہم تیز ہواؤں کے باعث لوڈ شیڈنگ کے باعث مختلف علاقوں کے بجلی کے فیڈر ٹرپ کر گئے۔لاہور میں زیادہ سے زیادہ درجہ حرارت 33 ڈگری سینٹی گریڈ اور کم سے کم 24 ڈگری سینٹی گریڈ رہنے کی بھی اطلاع ہے۔

لاہور، جہلم، گوجرانوالہ، سرائے عالمگیر اور پنجاب کے مختلف شہر بارش کے باعث شدید متاثر ہوئے، تمام سڑکیں اور گلیاں پانی میں ڈوب گئیں۔

نارووال کے مختلف علاقوں میں آسمانی بجلی گرنے سے 4 افراد موقع پر ہی جاں بحق ہوگئے، تاہم 4 زخمیوں کو اسپتال منتقل کردیا گیا۔

اسی طرح کے واقعات شیخوپورہ اور پسرور میں پیش آئے جہاں دو الگ الگ افراد جانبر نہ ہوسکے اور جاں بحق اور متعدد زخمی ہوگئے۔

تاہم پشاور، اسلام آباد اور راولپنڈی سمیت بعض علاقوں میں ہلکی بارش اور آندھی سے موسم خوشگوار ہوگیا۔