اداروں کیخلاف ہرزہ سرائی کیس میں ڈاکٹر یاسمین راشد کی درخواست ضمانت مسترد

انسداد دہشتگردی عدالت لاہور نے اداروں کیخلاف ہرزہ سرائی کیس میں رہنما پاکستان تحریک انصاف ڈاکٹر یاسمین راشد کی درخواست ضمانت مسترد کردی۔

عدالت نے ڈاکٹر یاسمین راشد کی درخواست ضمانت بعد ازگرفتاری عدم پیروی کی بنیاد پر ضمانت مسترد کی، انسداددہشت گردی عدالت کی ایڈمن جج عبہرگل خان نے سماعت کی۔ ڈاکٹر یاسمین راشد کے خلاف تھانہ سرور روڈ پولیس نے شیرپاؤ پل پرسڑک بلاک کرکے اداروں کیخلاف ہرزہ سرائی کرنے مقدمہ درج کررکھا ہے۔

یاد رہے کہ یاسمین راشد مذکورہ کیس میں 14 روزہ جوڈیشل ریمانڈ پر جیل میں ہیں۔ 22 جون کو پولیس نے 14 روزہ جوڈیشل ریمانڈ ختم ہونے پر یاسمین راشد کو عدالت کے روبرو پیش کیا، عدالت نے یاسمین راشد کے جوڈیشل ریمانڈ میں 14روز کی توسیع کردی تھی۔