کورونا کے وار، بھارت میں ایک دن میں تین لاکھ بیس ہزار سے زائد کیس رپورٹ

غیر ملکی خبر رساں ادارے کے مطابق  بھارت میں کورونا کے مہلک وار جاری ہیں ۔رپورٹ ہونیوالی یومیہ کیسیز میں کمی لیکن تعداد پھر بھی تین لاکھ سے زیادہ ہے، جبکہ  ماہرین کہتے ہیں کورونا کیس کم نہیں ہوئے بلکہ ٹیسٹنگ  کم ہوئی ہے۔

بھارت میں کورونا سے اموات کی مجموعی تعداد 2لاکھ  کے قریب پہنچ گئی ہے۔شمشان گھاٹ بھرنے کے سبب پارکوں میں مردے جلانے کا بندوبست کرلیاگیا ہے۔اسپتالوں کی صورتحال نہ سنبھلی ۔

بھارتی چیف آف ڈیفینس اسٹاف جنرل بپن راوت نے فوجی ذخیروں میں موجود آکسیجن  اورفوج کا ریٹائرڈ میڈیکل عملہ اسپتالوں میں بھیجنے کااعلان کردیا ہے۔برطانیہ سے بھی طیارہ طبی امداد لے کربھارت پہنچ گیا۔

کورونا کی تباہ کاریوں کے باوجود شہری بھی باز نہ آئے،  کمبھ کا میلہ جاری ہے۔

ادھر مدھیا پردیش میں  دلہے کا کورونا ٹیسٹ مثبت آنے کے باوجود شادی نہ رکی۔حکام سے اجازت لینے کے بعدپی پی ای کیٹس پہنے دلہا دلہن  نےتمام ایس او پیز کیساتھ شادی کی رسومات ادا کی گئیں۔