سپریم کورٹ میں 3 اہم کیسز کی سماعت سیاست پر گہرےاثرات چھوڑ سکتی ہے ،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا کہ آج سے سپریم کورٹ 3 اہم کیسز کی سماعت کی ابتداء کرنے جارہی ہے جو پاکستان کی سیاست اور سیاست دانوں کا رخ موڑ سکتی ہے اور آنے والے دنوں میں سیاست پر گہرےاثرات چھوڑ سکتی ہے اور نِت نئے سیاسی تجربات میں رکاوٹ کا باعث بن سکتی ہے

اپنے ٹویٹ میں شیخ رشید کا کہنا تھا کہ اگلے الیکشن کا فیصلہ پاکستان کے نوجوانوں کے ہاتھ میں آگیا ہے اور وہ نوجوان نسل الیکشن کے ساتھ ہاتھ نہیں ہونے دے گی اور اتنے جوش و جذبے سے پولنگ بوتھ کی طرف جائے گی جس کا عقل کے اندھوں کو اندازہ نہیں ہے۔ نوجوان کا ووٹ ہی کسی کا الیکشن بنائے گا اور کسی کا بگاڑے گا۔

آج سے سپریم کورٹ 3 اہم کیسز کی سماعت کی ابتداء کرنے جارہی ہے جو پاکستان کی سیاست اور سیاست دانوں کا رخ موڑ سکتی ہے اور آنے والے دنوں میں سیاست پر گہرےاثرات چھوڑ ہو سکتی ہے اور نِت نئے سیاسی تجربات میں رکاوٹ کا باعث بن سکتی ہے جب تک اسمبلیاں ٹوٹ نہ جائیں نگران حکومت آ نا جائے…

— Sheikh Rashid Ahmed (@ShkhRasheed) July 18, 2023

سابق وفاقی وزیر نے کہا کہ جب تک اسمبلیاں ٹوٹ نہ جائیں، نگران حکومت آ نا جائے، الیکشن کمیشن تاریخ نہ دے، الیکشن کا وقت پر ہونا یا نہ ہونا سوالیہ نشان ہے۔ جو لوگ ایک دوسرے کو رسہ ڈال کر گلیوں اور بازاروں میں گھسیٹنے کی باتیں کرتے تھے، اپنے کیسیز ختم کرانے کے لیے اکٹھے ہو گئے۔ جس طرح پنجاب اور کے پی کے میں نگران حکومتیں بنائیں گئیں، کراچی کا الیکشن ہوا جو کچھ کشمیر گلگت بلتستان میں کھیل کھیلا گیا وہ لحمہ فکریہ ہے۔

انہوں نے مزید کہا کہ ملک کے حالات اتنے سنگین اور گھمبیر ہو چکے ہیں کے تباہ حال معیشیت کو مستحکم جمہوریت کی ضروت ہے۔ جب آٹا 160 روپے کلو چینی 150 روپے کلو اور پیک آور میں بجلی کا بنیادی ریٹ 50 روپے ہوگا تو لیپ ٹاپ بیچاره کیا کرے گا۔