چین کے نائب وزیراعظم آج اسلام آباد پہنچ رہے ہیں

اسلام آباد: چینی نائب وزیر اعظم HE LIFENG پاکستا ن کے تین روزہ دورے پر آج اسلام آباد پہنچ رہے ہیں۔

دورے کے دوران وہ چین پاکستان اقتصادی راہداری کے دس سال مکمل ہونے کی تقریبات میں شرکت کریں گے، چینی نائب وزیراعظم صدر ڈاکٹرعارف علوی اور محمدشہبازشریف سے بھی ملاقات بھی کریںگے۔

HE LIFENG نے چین کے بین الاقوامی اقتصادی روابط اور ایک خطہ ایک شاہراہ منصوبے پرعملدرآمد میں نمایاں کردار ادا کیا ہے اور سی پیک اس کا ایک اہم منصوبہ ہے۔

انہوں نے چین کے قومی ترقی و اصلاحات کمیشن کے چیئرمین کی حیثیت سے پاکستان میں سی پیک کے مختلف منصوبوں کی منصوبہ بندی اوران پر عملدرآمد میں کلیدی کردار ادا کیا۔

دفترخارجہ کی ترجمان ممتاز زہرہ بلوچ نے ایک بیان میں کہا کہ LIFENG کا دورہ پاکستان اور چین کے درمیان معمول کے اعلیٰ سطح کے تبادلوں اور بات چیت کا حصہ ہے۔ انہوں نے کہا کہ یہ دورہ دونوں ملکوں کی سدابہار تذویراتی شراکت کو مزید فروغ دینے کا عکاس ہے۔