وزیراعلی پنجاب کا اسلامیہ یونیورسٹی بہاولپور اسکینڈل پر جوڈیشیل کمیشن بنانے کا حکم

لاہور:  نگران وزیر اعلیٰ پنجاب محسن نقوی کی صدارت میں  لاہور ائیر پورٹ پر اہم اجلاس ہوا جس میں اسلامیہ یونیورسٹی بہاولپور میں پیش آنے والے شرمناک واقعے کی ابتدائی رپورٹ پیش کی گئی۔

اجلاس میں صوبائی وزیر برائے ہائیر ایجوکیشن منصور قادر ، آئی جی پنجاب، ،چیف سیکرٹری،ایڈیشنل آئی جی ا سپیشل برانچ، سیکرٹری قانون، ایڈیشنل چیف سیکرٹری داخلہ، سپیشل سیکرٹری ہائیر ایجوکیشن، ڈی آئی جی سپیشل برانچ فیصل علی راجہ، ڈی آئی جی انٹرنل اکاؤنٹبیلٹی برانچ سید محمد امین بخاری، ڈائریکٹر ایف آئی اے اور متعلقہ حکام نے بھی شرکت کی۔

اجلاس میں 3 رکنی تحقیقاتی کمیٹی کے کنوینر ڈی آئی جی سپیشل برانچ فیصل علی راجہ نے وزیر اعلیٰ کو رپورٹ پیش کی جس پر  وزیر اعلیٰ محسن رضا نقوی نے رپورٹ کی روشنی میں جوڈیشل کمیشن بنانے کا فیصلہ کیا  جوڈیشل کمیشن کے قیام کیلئے چیف جسٹس لاہور ہائی کورٹ کو باقاعدہ درخواست کی جائے گی اس کے علاوہ میڈیا ذرائع کے مطابق  کیس کی تفتیش بھی لاہور شفٹ کر دی گئی ہے۔

اسلامیہ یونیورسٹی بہاولپور واقعہ کی ابتدائی رپورٹ وزیراعلیٰ پنجاب کو پیش کر دی گئی#GNN #NewsUpdates #BreakingNews #GNN_Updates pic.twitter.com/wTcbWb5dBZ

— GNN (@gnnhdofficial) July 31, 2023