قومی اسمبلی نے آفیشل سیکٹریٹ ایکٹ ترمیمی بل منظور کر لیا

نیشنل اسمبلی  نے آفیشل سیکریٹ ایکٹ ترمیمی بل 2023 کی منظوری دے دی۔ اجلاس کے دوران یونیورسٹیز  کے قیام کے بلز پر حکمران اتحاد کے ارکان آمنے سامنے آ گئے۔ ڈپٹی اسپیکر کی مداخلت  کے باوجود بھی  پیپلز پارٹی اور ن لیگ کے درمیان تنازع حل نہ ہوسکا۔

تفصیلات کے مطابق قومی اسمبلی کا اجلاس ڈپٹی اسپیکر زاہد اکرم درانی کی  صدارت میں ہوا، جس میںمیں متعدد بلز پیش ہوئے اور کئی منظور بھی ہوگئے۔ ایوان نے آفیشل سیکرٹ ایکٹ ترمیمی بل 2023کی منظوری دے دی۔

ترمیمی بل 2023 کے مطابق کوئی شخص جو جان بوجھ کر امن عامہ کا مسئلہ پیدا کرتا ہےیا فساد پیدا کرنے کی کوشش کرتا ہے یا  ریاست کےخلاف کسی ایجنڈے میں  کام کرتا ہے، ممنوعہ جگہ پر حملہ کرتا یا نقصان پہنچاتا ہے جس کا مقصد براہ راست یا بالواسطہ دشمن کو فائدہ پہنچانا ہے تو وہ جرم کا مرتکب ہوگا۔

بل کے مطابق انٹیلی جنس ایجنسیاں کسی بھی وقت بغیر وارنٹ کے کسی بھی جگہ داخل ہوکر تلاشی لے سکتی ہیں یا طاقت کا استعمال کرسکتی ہیں، تفتیشی افسر ایف آئی اے کا آفیسر ہوگا، مذکورہ افسر کی تقرری ڈی جی ایف آئی اے کرے گا ضرورت پڑنے پر مشترکہ تحقیقاتی ٹیم بھی تشکیل دی جاسکے گی۔ 

آفیشل سیکریٹ ایکٹ ترمیمی بل قومی اسمبلی سے منظور#GNN #NewsUpdates #BreakingNews #GNN_Updates pic.twitter.com/dugVPyT9kB

— GNN (@gnnhdofficial) August 1, 2023