وزیر اعظم اور آرمی چیف کا سی ایم ایچ پشاور کا دورہ

پشاور وزیراعظم شہباز شریف اور آرمی چیف جنرل عاصم منیر نے پشاو ر کا دورہ کیا، جہاں وزیراعظم کو خیبرپختونخوا کی مجموعی سکیورٹی صورتحال سمیت خار خودکش دھماکوں اور دہشت گردی کی تحقیقات پر پیشرفت کی ، دہشتگردوں اور سہولت کاروں کے درمیان رابطوں کے خاتمے اور انسداد دہشت گردی کے اقدامات کے حوالے سے بریفنگ  بھی دی گئی۔

وزیراعظم شہباز شریف اور چیف آف آرمی سٹاف جنرل عاصم منیر نے زیر علاج زخمی افراد کی عیادت کے لئے سی ایم ایچ کا دورہ بھی کیا اور ان سے صحت کے بارے میں دریافت کیا۔

وزیراعظم نے خودکش دھماکہ کے متاثرین کے خاندانوں کو یقین دلایا کہ قوم دکھ کی اس گھڑی میں ان کے ساتھ کھڑی ہے اور ان کے نقصان میں برابر کی شریک ہے۔

میڈیا ذرائع کے مطابق وزیر اعظم  نے خودکش دھماکوں میں افغان شہریوں کے ملوث ہونے، سرحد پار سے معصوم شہریوں پر بزدلانہ حملوں کی منصوبہ بندی کرنے اور پاکستان دشمن عناصر کی کارروائیوں پر تشویش کا اظہار کیا۔اس موقع پر وزیراعظم  کا کہنا تھا کہ افغان عبوری حکومت کو اپنی سرزمین کسی دوسرے ملک میں دہشتگردی کے لئے استعمال ہونے سے روکنے کے لئے ٹھوس اقدامات اٹھانے چاہئیں۔

وزیراعظم شہباز شریف اور آرمی چیف جنرل عاصم منیر کا پشاور کا دورہ#GNN #NewsUpdates #BreakingNews #GNN_Updates pic.twitter.com/EbgdSfNnTD

— GNN (@gnnhdofficial) August 1, 2023