سپریم کورٹ نے سویلینز ٹرائل پر فل کورٹ کی استدعا مسترد کردی

میڈیا ذرائع کے  مطابق سویلینز کے ملٹری ٹرائل کیس میں فل کورٹ سے متعلق درخواست پر فیصلہ آج سنایا جائےگا ، سپریم کورٹ نے گزشتہ روز سماعت کے بعد فیصلہ محفوظ کیاتھا۔

چیف جسٹس نے استفسار کیا تھا کہ کچھ ججوں نے کیس سننے سے معذرت کی ہے تو فل کورٹ کیسے بنایا جائے گا ؟ دوران سماعت جسٹس مظاہر علی نقوی نے کہا تھا کہ بظاہرلگتا ہے ملزمان کے خلاف مقدمہ چلانے کے لیے شواہد کے نام پر صرف تصاویر ہیں۔

جوادایس خواجہ نے کہا کہ سویلینز کا فوجی عدالتوں میں ٹرائل آئین کی کھلم کھلی خلاف ورزی ہے، موجودہ حکومت کی مدت بہت جلد ختم ہوجائے گی ، حکومتی یقین دہانی کی چندروزبعد کوئی حیثیت نہیں رہےگی۔

تحریری معروضات میں کہا گیا تھا کہ سویلینز کا ملٹری عدالت میں ٹرائل کرکےبنیادی حقوق کبھی  سلب نہیں کئےجا سکتے، حکومت قانون سازی کے ذریعے بنیادی حقوق ختم کرنا چاہتی ہے، قانون سازی سےبنیادی حقوق کی فراہمی کوتسلیم کیاجائے تو حقوق دیناحکومت کے اختیار میں آجائے گا۔

سماعت کے دوران  چیف جسٹس آف  پاکستان نے ریمارکس دیے کہ ہم نے آپس میں مشاورت بھی کر لی ہے، فیصل صدیقی صاحب آپ ایک قابل اعتماد  وکیل ہیں، آپ کی عزت کرتے ہیں اس لیے فل کورٹ کی درخواست سن لی  لیکن عدالت اس طرح سے کیس کے درمیان درخواستیں نہیں سنتی۔

چیف جسٹس نے کہا کہ فل کورٹ ستمبر تک کسی صورت بھی  دستیاب نہیں ہے، عدالتی کی  چھٹیاں چل رہی ہیں، تمام ججز کی مصروفیات بھی ہیں جو اس کیس کی وجہ سے معطل ہیں، دو مواقعوں پر پہلے دیگر بینچز معطل کر کے فل کورٹ بنائی۔

جسٹس عمر عطا بندیال کا کہنا تھا ہم  نے اللہ کو جواب دینا ہے اس لیےبھی ہم  اپنا کام جاری رکھے ہوئے ہیں، کسی کو پسند آئے یا نہیں، ہم اپنا کام کرتے رہیں گے، ہمارا کام ٹھیک ہے یا غلط کسی کو فیصلہ کرنے کی ضرورت نہیں ہےتاریخ خود ہی اس کا فیصلہ کردے گی ۔

فوجی عدالتوں میں سویلینز کا ٹرائل سپریم کورٹ نے فل کورٹ کی تشکیل بارے محفوظ فیصلہ سُنادیا#GNN #NewsUpdates #BreakingNews #GNN_Updates pic.twitter.com/mVOPNUmUvp

— GNN (@gnnhdofficial) August 2, 2023