مقامِ ابراہیم اور حجرِ اسود کی واضح ترین تصاویر جاری

تفصیلات کے مطابق  سعودی حکومت نے ماہ صیام  میں امت مسلمہ کیلئے خاص  تصاویر جاری کی ہیں جو کہ  مکہ مکرمہ کے ادارہ امورِ حرمین شریفین کے شعبہ انجینئرنگ سٹڈیزکی جانب سے جدید ترین ٹیکنا لوجی کے استعمال سے بنائی گئی ہیں۔ ان ماہرین نے   جدید تکنیک کو استعمال کرنے کے بعد  ’حجر اسود‘ کی 49 ہزار میگا پکسل کی ایک ایسی تصویر تیار کی، جس میں اس کے ہر حصے کو انتہائی قریب سے اصل حالت کی طرح دیکھا جا سکتا ہے۔ اس مقصد   کے لئے  فوکس  سٹاک پینو راما ٹیکنا لوجی کا استعمال کیا گیا ہے ۔ ان تصاویر کی  عکاسی کے لئے ماہرین نے لیزر سکیننگ تکنیک  استعمال کرتے ہوئے   کمپیوٹر گرافکس کے ذریعے تصاویر کو مزید نمایاں کیا  گیا ہے۔

سعودی عہدیدار کے مطابق حجر اسود کی عکس بندی 49 ہزار میگا پکسل کی حد تک باریک بین تھی۔ اس منصوبے پر  سات دن تک  کام جاری رہا  اور ان تصاویر کی عکس بندی   کیلئے  سات گھنٹے کا وقت لگا ۔حجر اسود اور مقام ابراہیم مسلمانوں کیلئے خاص اہمیت رکھتے ہیں اور ان   مقامات کی اس قدر شفاف تصاویر   پہلی بار دنیا بھر کے  مسلمان دیکھ سکیں گے ۔

’حجر اسود‘ کو جنت سے زمین پر اتارا گیا تھا اور یہ مقدس پتھر کئی صدی قبل اس وقت اتارا گیا تھا جب حضرت ابراہیم اور ان کے صاحبزادے حضرت اسمٰعیل خانہ کعبہ کی تعمیر کر رہے تھے۔حجر اسود خانہ کعبہ کے جنوب مشرقی گوشے میں باہر کی طرف لگا ہوا ہے، حجر اسود سے خانہ کعبہ کا طواف شروع ہوتا ہے اور اسی پر ختم بھی ہوتا ہے، یہ بیضوی شکل کا ہے اور اس کا رنگ سرخی مائل سیاہ ہے جب کہ اس کا قطر 30 سینٹی میٹر ہے۔

خاص طور پر مقام ابراہیم  کی اس قدر شفاف تصویر بھی پہلی مرتبہ سامنے آئی ہیں۔ مکرمہ کی مسجد حرام کے صحن مقدس میں واقع ایک جگہ کو'مقام ابراہیم' سے موسوم کیا جاتا ہے.

دوسری جانب مسجد الحرام کے بعد مسجد نبوی کی حفاظت کے لیے بھی  خواتین سیکیورٹی افسران تعینات کی گئیں ہیں ۔سعودی میڈیا کے مطابق 113 خواتین افسران پر مشتمل خصوصی دستہ 6 ماہ قبل تیار کیا گیا تھا،اس کے علاوہ پہلی بار مسجد الحرام میں خواتین رضاکاروں کو بھی تعینات کیا گیا ہے۔