کورونا وائرس کے باعث انڈین پریمئیر لیگ ملتوی

تفصیلات کے مطابق بھارت میں کورونا    کی  صورتحال  انتہائی سنگین ہوچکی ہے ، بھارت میں کورونا کیسز کی تعداد  دو کروڑ سے  تجاوز کرچکی ہے  جبکہ  گزشتہ 13 روز سے  یومیہ تین لاکھ سے زائد  کورونا کیسز سامنے آ رہے ہیں۔ گزشتہ روز کو لکتہ نائٹ رائڈرز اور رائل چیلنجر  کے درمیان بنگلورمیں ہونے والا  میچ کھلاڑیوں کے کورونا ٹیسٹ مثبت آنے کے باعث مسنوخ کردیا گیا تھا ۔ انڈین کرکٹ پریمیئر لیگ کا بائیو سیکیور ببل بریک ہونے سے 2 کھلاڑیوں میں کورونا کی تصدیق ہوئی تھی۔ بھارتی کھلاڑی وارن چکروردی اور سندیپ واریئر کا کورونا ٹیسٹ مثبت آیا۔ انتظامیہ کا کہنا ہے کہ دونوں کھلاڑی  بائیو ببل چھوڑنے کی اجازت لے کر انجری کے باعث میڈیکل چیک اپ کے لیے باہر گئے تھے۔

آئی پی ایل انتظامیہ کے مطابق دونوں کھلاڑیوں کا تعلق کولکتہ نائٹ رائیڈرز سے ہے اور ٹیم کے دیگر کھلاڑیوں کے ٹسٹ بھی کیے جا رہے ہیں۔ بھارت سے ہائی پروفائل کھلاڑیوں نے اس وبائی  بیماری کے تناظر میں ٹورنامنٹ سے باہر ہونے کا اعلان کیا ہے۔ بھارت میں آئی پی ایل کھیلنے والے کئی کھلاڑی اب تک کورونا وائرس میں مبتلا ہوچکے ہیں۔ آسٹریلوی کھلاڑی  اینڈریو ٹائی ، ایڈم زمپا اور کین رچرڈسن  سمیت کئی کھلاڑی گذشتہ ہفتے ٹورنامنٹ سے  باہر جاچکے ہیں ۔