ایران میں مزار پر دہشت گردوں کے حملے میں چار افراد ہلاک ہو گئے

شیراز: ایک افسوس ناک واقعہ میں ایران کے اہم شہر شیراز میں ایک مزار پر دہشت گردوں کے حملے میں 4 افراد ہلاک ہوگئے۔

ایران کی سرکاری خبر رساں ایجنسی کے مطابق شیراز میں ایک مزار پر دہشت گردوں کے حملے میں چار افراد ہلاک ہو گئے۔

ایرانی میڈیا نے بتایا کہ شاہ چراغ مزار پر دو مسلح افراد نے حملہ کیا۔ حملہ آوروں میں سے ایک کو حراست میں لے لیا گیا ہے جبکہ دوسرا حملہ آور فرار ہونے میں کامیاب ہو گیا۔

واضح رہے کہ اس سے قبل اکتوبر 2022 میں بھی ایک مسلح شخص نے اسی مزار کو نشانہ بنایا تھا جس میں 15 افراد ہلاک ہوئے تھے۔ اسلامک اسٹیٹ آف عراق اینڈ دی لیونٹ (آئی ایس آئی ایس) نے بعد میں اس حملے کی ذمہ داری قبول کی۔