لاہور ہائیکورٹ راولپنڈی کے ڈویژن بنچ کا بڑا فیصلہ

لاہور: 3 ایم پی او نظر بندی کے خلاف پیشگی اجازت کی پابندی کا سنگل بینچ کا فیصلہ معطل قرار دے دیا گیا ہے، سنگل بینچ کے اس فیصلے کی معطلی سے نظر بند 57 پی ٹی آئی کارکنان کی رہائی بھی رک گئی۔ 

جسٹس جواد حسن اور جسٹس جواد مرزا، جسٹس وقاص رؤف پر مشتمل بینچ نے ڈی سی کی اپیل پر فیصلہ معطل کیا، فریقین کو نوٹس جاری کرتے ہوئے 2 ہفتوں میں جواب طلب کر لیا، جب کہ عدالت نے اپیل کی آئندہ سماعت ستمبر کے پہلے ہفتہ تک ملتوی کردی۔

یہ فیصلہ شہریار آفریدی کی نظربندی کے خلاف دائر درخواست پر جاری کیا گیا تھا، عدالت نے شہریار آفریدی اور ان کے بھائی سمیت پی ٹی آئی کے 57 کارکنان کے ایم پی او آرڈر معطل کیے تھے۔

دوسری جانب ڈپٹی کمشنز کا کسی بھی شخص کو کسی بھی وقت بغیر اجازت نظر بند کرنے کا اختیا ر بھی بحال کردیا گیا ہے۔