فیصل آباد کی تحصیل جڑانوالہ میں توہین مذہب کے الزمات لگا کر متعدد گرجا گھروں میں توڑ پھوڑ

صوبہ پنجاب کے دوسرے بڑے شہر فیصل آباد کی تحصیل جڑانوالہ میں توہین مذہب کے الزمات لگا کر متعدد گرجا گھروں کو توڑ پھوڑ کے بعد نذر آتش کردیا گیا۔

تحصیل جڑانوالہ کے پادری عمران بھٹی کا کہنا تھا کہ عیسیٰ نگری میں واقع سیلویشن آرمی چرچ، یونائیٹڈ پریس بیٹیرین چرچ اور شہرون والاچرچ میں توڑ پھوڑ کی گئی۔ان کا مزید کہنا تھا کہ وہ عیسائی جس پر توہین مذہب کا الزام عائد کیا گیا ہے، اس کے گھر کو بھی تباہ کر دیا گیا ہے۔پولیس نے پاکستان پینل کوڈ کی دفعہ 295(بی) اور 295 (سی) کے تحت ملزم کے خلاف ایف آئی آر درج کی ہے۔

I am gutted by the visuals coming out of Jaranwala,#Faisalabad. Stern action would be taken against those who violate law and target minorities. All law enforcement has been asked to apprehend culprits and bring them to justice. Rest assured that the government of Pakistan stands… https://t.co/GHWUGA1NNq

— Anwaar ul Haq Kakar (@anwaar_kakar) August 16, 2023

چرچ آف پاکستان کے صدر بشپ آزاد مارشل نے اپنے ٹویٹ میں کہا ہے کہ  ہم، بشپ، پادری اور عام لوگ جڑانوالہ کے واقعے پر گہرے دکھ اور غم میں مبتلا ہیں، بائبل کی بے حرمتی کی گئی ہے اور عیسائیوں کو اذیتیں دی گئی ہیں اور ان پر قرآن پاک کی خلاف ورزی کا جھوٹا الزام لگایا گیا ہے۔ ہم قانون نافذ کرنے والے اداروں اور انصاف فراہم کرنے والوں اور تمام شہریوں کی حفاظت سے انصاف اور کارروائی کے لیے پکارتے ہیں کہ وہ فوری مداخلت کریں اور ہمیں یقین دلائیں کہ ہماری جانیں ہمارے اپنے وطن میں قیمتی ہیں جس نے ابھی ابھی جشن آزادی منایا ہے۔

پنجاب پولیس کے سربراہ عثمان انور نے کہا ہے کہ پولیس مظاہرین کے ساتھ مذاکرات کررہی ہے اور علاقے کو گھیرے میں لے لیا گیا ہے۔ ان کا کہنا تھا کہ اس علاقے میں پتلی گلیوں میں 2 سے 3 مرلے پر مشتمل چھوٹے گرجا گھر واقع ہیں اور ایک مرکزی چرچ بھی موجود ہے، انہوں نے گرجا گھروں کے کچھ حصوں میں توڑ پھوڑ کی ہے۔ عیسائی برادی سے تعلق رکھنے والے علاقے کے اسسٹنٹ کمشنر کو بھی محفوظ مقام پر منتقل کر دیا گیا ہے کیونکہ لوگ ان کے خلاف ہو گئے تھے۔ تاہم عیسائی رہنماؤں نے الزام عائد کیا کہ پولیس خاموش تماشائی بنی ہوئی ہے۔