پی ٹی آئی رہنما ڈاکٹر یاسمین راشد کی طبیعت بگڑ گئی ،انسٹی ٹیوٹ آف کارڈیالوجی منتقل

لاہور: 9 مئی کے واقعات  میں نامزد پی ٹی آئی کی رہنما  خاتون گرفتار رہنما ڈاکٹر یاسمین راشد کی اچانک طبیعت ناساز ہوگئی جنہیں فوری طور پر اسپتال منتقل کیا گیا۔

میڈیا ذرائع کے  مطابق لاہور کی سینٹرل  کوٹ لکھپت جیل میں قید ڈاکٹر یاسمین راشد کو طبیعت خراب ہونے پر پنجاب انسٹی ٹیوٹ آف کارڈیالوجی منتقل کیا گیا۔

اس حوالے سے ذرائع کا کہنا ہے کہ ڈاکٹر یاسمین راشد نے جیل حکام کو دل میں تکلیف کی شکایت کی تھی، پی آئی سی کے ڈاکٹروں نے پی ٹی آئی رہنماکا تفصیلی طبی معائنہ کیا۔