وفاقی نگران کابینہ نے اپنے عہدو ں کا حلف اٹھا لیا

نگران وفاقی کابینہ نے اپنے عہدوں کا حلف اٹھا لیا،صدر مملکت ڈاکٹر عارف علوی نے وفاقی وزرا سے حلف لیا۔

نگران وفاقی کابینہ کا اعلان کر دیا گیا، ایوان صدر میں نگران کابینہ کی تقریب میں وزرا حلف اٹھایا، شمشاد اختر وزیر خزانہ، سرفراز بگٹی وزیر داخلہ، احمد عرفان اسلم وزیر قانون، جلیل عباس جیلانی وزیر خارجہ، ڈاکٹر عمر سیف وفاقی وزیر آئی ٹی، شاہد اشرف تارڑ وزیر مواصلات، لیفٹیننٹ جنرل ریٹائرڈ انور علی حیدر وزیر دفاع  ہوں گے۔

اس کے علاوہ عتیق احمد وزیر مذہبی امور،  ڈاکٹر ندیم جان وزیر صحت، مرتضیٰ سولنگی وزیر اطلاعات، جمال شاہ وزیر ثقافت ہوں گے۔ مدد علی سندھی، خلیل جارج، محمد سمیع سعید بھی بطور وفاقی وزیر کابینہ میں شامل ہیں۔