10 سالہ ملازمہ ہلاکت کیس، ملزم گرفتار ،معطل ایس ایچ اوگرفتار،ڈاکٹربھی گرفتار

خیرپور میں پیر کے مبینہ تشدد سے 10 سالہ بچی کی ہلاکت کے کیس میں ملزم  اسداللہ کو گرفتار کرلیا گیا تاہم اسدللہ  کی اہلیہ مقدمہ میں نامزد ہونے کے باوجود گرفتار نہ ہوسکی تھی ۔

پولیس نے بچی پر تشدد کے الزام میں گرفتار ملزم  اسد اللہ کو ریمانڈ ملنے کے بعد ہنگورجہ تھانے منتقل کردیا۔

پولیس نے گرفتار ملزم اسداللہ  کو عدالت میں پیش کیا اور 15 روزہ جسمانی ریمانڈ مانگا تاہم عدالت نے پولیس کی استدعا مسترد کرتے ہوئے ملزم کا 4 روز کا ریمانڈ دیدیا۔

سوشل میڈیا پر بچی کے تشدد زدہ جسم کی ویڈیو بھی سامنے آگئی، جس میں بچی کو فرش پر تڑپتے دیکھا جاسکتا تھا اور بچی کی لاش کو بغیرپوسٹ مارٹم دفنا دیاگیا۔

والدہ نے پہلے بچی کی موت کو طبعی قراردیا اور پھرمیڈیا کو بتایا کہ میری اورتین بچیاں پیروں کے پاس تھیں اس لیے سچ چھپایا، والدہ کا کہنا تھا کہ بچی کے جسم پر تشدد کے نشان تھے۔

خیرپورکی عدالت نے بچی کی قبرکشائی کی اجازت دے دی۔بچی کی موت سے متعلق غلط بیانی پر نجی اسپتال کا ڈاکٹر بھی گرفتار کرلیا گیا۔

خیر پور میں 10 سالہ ملازمہ کی ہلاکت کا کیس#GNN #NewsUpdate #BreakingNews #GNN_Updates pic.twitter.com/v4um1fCF2u

— GNN (@gnnhdofficial) August 17, 2023