پولیس چھاپے کے دوران شہری کےگھر سے بھینسیں اور زیورات لے اڑی،ہائی کورٹ برہم

چھاپے کے دوران شہری کی بھینس اور طلائی زیورات لے جانےوا لے پو لیس اہلکا روں کے خلاف ہائی کورٹ میں دائر  درخواست کی سماعت ہوئی،جس میں پولیس اہلکاروں نے ایک رپورٹ ہائی کورٹ میں پیش کی جس پر لاہور ہائی کورٹ نے عدم اطمینان کا اظہار کر دیا ہے۔

لاہور ہائی کورٹ نے ایڈوکیٹ جنرل پنجاب سے 22 اگست کو اس کیس کے بارے میں تفصیلی رپورٹ طلب کرلی ہے ۔

اسی پر سی سی پی او گوجرانوالہ نے بھی کہا کہ درخواست گزار میرے پاس آئے اس کی شکا یت کا پورا ازالہ کیا جائے گا۔

عدالت نے مزید کہا کہ ملکی صورت حال سب کے سامنے ہے عدالت ٹرائل کورٹ کے فیصلے کی پابند نہیں ہے، کس قانون کے تحت شہری کے گھر کی چادر اور چار دیواری کو پامال کیا گیا ایسے واقعات ملک میں آئے دن دیکھنے کو مل رہے ہیں ایسے واقعات پر عدالت اپنی آنکھیں بند نہیں کرسکتی۔

چھاپے کے دوران شہری کی بھینسیں اور زیورات لے جانے والے پولیس اہلکاروں کے خلاف کیس#GNN #NewsUpdates #BreakingNews #GNN_Updates pic.twitter.com/WsLYIrBrmg

— GNN (@gnnhdofficial) August 18, 2023