الیکشن کمیشن نے انتخابات کی بجائے نئی حلقہ بندیاں کرنے کا تحریری فیصلہ جاری کر دیا

الیکشن کمیشن آف پاکستان نے انتخابات کے بجائے نئی حلقہ بندیاں کرنے کا تحریری فیصلہ جاری کردیا۔

3 صفحات پر مشتمل متفقہ فیصلے میں کہا گیا ہے کہ نئی مردم شماری کے بعد آبادی میں بڑے پیمانے پر تبدیلی رونما ہوئی، آبادی بڑھنے سے حلقوں کی اضلاع کی سطح پر تبدیلی ہوئی ہے، 7ویں مردم شماری کے بعد 20 ہزار 85 نئے سینس بلاک بڑھے کچھ میں تبدیلیاں ہوئیں۔

الیکشن کمیشن  کا فیصلے میں کہنا ہے کہ انتخابات سے پہلے غلطیوں سے پاک ووٹر لسٹ اور تازہ حلقہ بندیاں لازمی ہیں، حلقہ بندیاں، نئی ووٹر لسٹیں صحیح اور بامعنی نمائندگی، پارلیمانی جمہوریت کیلئے لازمی ہے، نئی حلقہ بندیوں کا فیصلہ امیدواروں، سیاسی جماعتوں، ووٹرز کے بنیادی حق کے تحفظ کیلئے کیا جارہا ہے۔

الیکشن کمیشن آف پاکستان نے حلقہ بندیوں کا فیصلہ آئین کے آرٹیکل 218 تین کے تحت کیا۔

الیکشن کمیشن نے عام انتخابات سے قبل نئی حلقہ بندیاں کرنے کا تحریری فیصلہ جاری کردیا#GNN #NewsUpdates #BreakingNews #GNN_Updates pic.twitter.com/FvrZeJsle8

— GNN (@gnnhdofficial) August 18, 2023