پی سی بی کی جانب سے جے شاہ کوایشیا کپ میچ دیکھنے کی دعوت

پی سی بی پاکستان کرکٹ بورڈ کی جانب سے گزشتہ دنوں ایشین کرکٹ کونسل کے صدر  بھارتی کرکٹ بورڈ جے شاہ کو بھی افتتاحی میچ میں مدعو کر لیا گیا، دیگر ایشیائی بورڈ حکام کو بھی دعوت نامہ بھجوایا گیا البتہ جے شاہ کی آمد کے ابھی تک  کوئی آثار نظر نہیں آرہے۔

گزشتہ دنوں ڈربن میں آئی سی سی میٹنگ کی سائیڈ لائنز پر ان کی پی سی بی مینجمنٹ کمیٹی کے سربراہ سے ملاقات ہوئی تھی، ذکا اشرف نے اس وقت جب انہیں پاکستان آنے کا کہا تو انہوں نے رضا مندی ظاہر کی مگر بعد میں کسی کے کہنے پر انکار کر دیا تھا۔

پاکستان کی میزبانی میں ہائبرڈ ماڈل کے تحت ایشیا کپ 30 اگست سے شروع ہو رہا ہے ، افتتاحی میچ میزبان اور نیپال کے درمیان ملتان میں کھیلا جائے گا ، 4 میچز پاکستانی گراؤنڈز جبکہ دیگر 9 سری لنکا میں شیڈول ہوں گے۔