عمراکمل کی نوازشریف سے لندن میں ملاقات

عمر اکمل کی سابق وزیر اعظم نواز شریف سےلندن میں  ملاقات  ہوئی، ملاقات کے بعد میڈیا سے بات  کرتے ہوئے عمر اکمل نے کہا کہ کھیل سے متعلق  ہی نواز شریف سے گفتگو ہوئی ہے، نواز شریف سے ایک درخواست کی ہے امید کرتا ہوں کہ  قبول ہو گی۔

عمر اکمل کا مزید کہنا تھا کہ فٹنس بھی کافی  اچھی ہوتی جارہی  ہے، پاکستانی ٹیم میں دوبارہ  کھیلنے کا خواہشمند  ہوں، کرکٹ کے حالات اچھے عالمی سطح پر اچھے جا رہے ہیں۔

یاد رہے کہ عمر اکمل کو پاکستان سپر لیگ کے دوران اسپاٹ فکسنگ کی اطلاع نہ دینے پر معطل کیا گیا تھا بعدا ازاں عمر اکمل نے اس پر معافی بھی مانگی تھی۔

قومی کرکٹر کو 2020 میں پی سی بی نے تمام کرکٹ سرگرمیوں سے روک دیا تھا۔ بعدازاں عمر اکمل کو 2021 میں ڈومیسٹک کرکٹ کھیلنے کی اجازت دی گئی تھی۔