آئی جی پنجاب کا ویڈیو میں وائرل ہونے والے پولیس اہلکار پر بیان سامنے آگیا

پولیس حکام  کے مطابق کانسٹیبل 8 سال پہلے ایک  ٹریفک حادثے کا شکار ہوا تھا جس کی  وجہ سے نفسیاتی بیماری کا ابھی تک  شکار ہے ،  مزید علاج کیلئے کانسٹیبل شاہد کو انسٹی ٹیوٹ آف مینٹل ہیلتھ منتقل کردیا گیا ہے ۔

آئی پنجاب نے کہا  کہ ویڈیو میں نظر آنے والا کانسٹیبل شاہد نفسیاتی بیماری کا شکار ہے، وہ ڈیوٹی سے بھی غیر حاضر تھا۔

آئی جی پنجاب  ٖڈاکٹر عثمان انور کا کہنا تھا کہ نفسیاتی بیماریوں کے شکار اہلکار کو متعلقہ معالجین کے پاس لے جایا جائے گا، سائیکالوجیکل اسکریننگ کا مقصد کسی ملازم کو نوکری سے فارغ کرنا نہیں ہے ۔

اپنےویڈیو  بیان میں آئی جی پنجاب  نے کہا کہ کانسٹیبل کی دماغی حالت بہتر نہیں تھی اس کا علاج جاری ہےاس کے علاج کے لیےمزید توجہ دی جارہی ہے۔