کولمبیا میں 6.3 شدت کا زلزلہ، ایک ہلاک

بگوٹا: کولمبیا کے دارالحکومت بوگوٹا اور وسطی علاقوں میں 6.3 شدت کے زلزلے کے جھٹکے محسوس کیے گئے۔

بین الاقوامی میڈیا کے مطابق امریکی جیولوجیکل سروے نے زلزلے کی شدت 6.3 بتائی ہے۔ زلزلے کے باعث سائرن بجنے سے لوگوں میں خوف وہراس پھیل گیا جب کہ زلزلے کے بعد درجنوں آفٹر شاکس بھی محسوس کیے گئے۔

رپورٹ کے مطابق کولمبیا کے جیولوجیکل سروے کے حوالے سے بتایا گیا ہے کہ گزشتہ روز 6.1 کی شدت کا زلزلہ محسوس کیا گیا جس کا مرکز بوگوٹا سے 40 کلومیٹر جنوب مشرق میں ایل کالواریو کے علاقے میں تھا جب کہ گہرائی 30 کلومیٹر سے بھی کم تھی۔

بوگوٹا کی میئر کلاڈیا لوپیز نے X کی طرف رجوع کیا اور لکھا کہ زلزلے کے دوران ایک خاتون نے خوف کے مارے 10 منزلہ عمارت سے چھلانگ لگا دی۔ فائر فائٹرز نے خاتون کی موت کی تصدیق کر دی ہے۔

میئر بوگوٹا نے شہریوں کو ممکنہ آفٹر شاکس پر پرسکون رہنے اور تمام احتیاطی تدابیر اختیار کرنے کی ہدایت کی۔ سوشل میڈیا صارفین نے قریبی قصبوں ولاویسینسیو، بوکرامنگا، تنوجا اور ابیگیل میں زلزلے کی اطلاع دی ہے۔