پولیس اہلکار کا شہریوں پر تشدد اور محکمہ پولیس کے اعلیٰ افسران کو گالیاں

لاہور: پولیس اہلکار کا شہریوں پر تشدد اور  محکمہ پولیس کے اعلیٰ افسران کو گالیاں دینے کا معاملہ، اہلکار نفسیاتی مریض قرار دے دیا گیا۔

آئی پنجاب کا کہنا ہے کہ ویڈیو میں نظر آنے والا کانسٹیبل شاہد نفسیاتی بیماری کا شکار ہے، وہ ڈیوٹی سے بھی غیر حاضر تھا۔ 

پولیس اہلکارکے بھائی کے مطابق کچا کےعلاقے میں آپریشن کے دوران ایک حادثے میں سر پرچوٹ لگنے کی وجہ سے اس کی ذہنی حالت خراب رہنا شروع ہو گئی تھی اعلیٰ افسران نے پولیس اہلکار کا علاج معالجہ شروع کردیا ہے۔ 

آئی جی پنجاب نے کہا کہ شاہد صہیب اہلکار کی دماغی حا لت بہتر کرنے کے لیے علاج جاری ہے اور مزید علاج کیلئے کانسٹیبل شاہد کو انسٹی ٹیوٹ آف مینٹل ہیلتھ منتقل کردیا گیا ہے۔

آئی جی ڈاکٹرعثمان انورکا کہنا ہے کہ 2 لاکھ ملازمین کی دس بیماریوں کے خلاف سکریننگ وعلاج کاعمل جاری ہے۔

آئی جی کا کہنا تھا کہ پولیس نفسیاتی سکریننگ سے خوف زدہ ہیں جبکہ اس کا مقصد کسی اہلکارکو نقصان پہنچانا یا نوکری سے نکالنا نہیں ہے۔