اشیائے خورونوش کی قیمتوں میں اضافے کا سلسلہ جاری

لاہور: دن بدن بڑھتی ہوئی مہنگائی نے عوام کو پریشان کردیا ہے، اشیائے خوردنوش عوام کی پہنچ سے باہر ہونے لگی۔

مہنگائی زیادہ ہونے کی ایک وجہ یہ ہے کہ دوکاندار اپنی مرضی سے اشیاء کی قیمتوں میں اضافہ کرتے ہیں اور پرئس کنٹرول کمیٹیاں بھی حکوت کی مقرر کردہ قیمتوں پر عمل درآمد نہیں کرواتیں۔

ایک ہفتے میں چاول 12، لہسن 20، چینی6 روپے فی کلو بڑھ گئی، مرغی اور پھلوں کی قیمتوں میں بھی اضافہ ہوگیا۔ 

دوسری جانب فیصل آباد میں گندم کی فی من قیمت  4600سے بڑھ کر 4800 روپے ہوگئی، جس کے باعث چکی کا آٹا  125سے135 روپے فی کلو تک فروخت ہونے لگا۔

ملتان شہر میں ایل پی جی 260 روپے فی کلو فروخت کی جارہی ہے جبکہ پرائس کنٹرول کمیٹی غائب ہیں جس کی وجہ سے دکاندار حضرات من پسند ریٹ پر گیس فروخت کررہے ہیں۔

یوٹیلیٹی سٹورزمیں بھی حکومت نے سبسڈی ختم کر دی ہے، سٹورزمیں آٹا، چینی اور دالیں دستیاب نہیں ہیں، شہریوں کے مطالبہ کرنے پر یوٹیلیٹی سٹورز مالکان کا کہنا ہے کہ عوام کو ریلیف دینا حکومت کی ذمہ داری ہے ہماری نہیں۔

عوام کا کہنا ہے کہ ہم بجلی کے بل دیں یا ضرویات زندگی پورا کریں، شہریوں نے حکومت سے مطالبہ کیا کہ حکومت کم از کم سرکاری قیمتوں پرعمل درآمد تو یقینی بنائے۔