پیپلزپارٹی نے الیکشن مقررہ وقت پر کرانے کا مطالبہ کردیا

پیپلز پارٹی کی نائب صدر و سابق وفاقی وزیر شیری رحمان نے کہا  کہ الیکشن کمیشن کے حالیہ اعلا ن سے ظاہر ہوتا ہے کہ  نئی مردم شماری کے مطابق حلقہ بندیاں کرانے میں 4 ماہ یا اس سے زیادہ  لگیں گے، الیکشن کمیشن کا یہ اعلان ہمارے لئے تشویش اور مایوسی کا باعث ہے۔

شیری رحمان نے کہا کہ الیکشن کمیشن اپنے فیصلے اور جاری کردہ شیڈول پر سنجیدگی سے نظر ثانی کرے، اسمبلیوں کی جلد تحلیل کرنےکا مقصد تیاریوں کیلئے زیادہ سے زیادہ وقت فراہم کرنا تھا۔

شیریں رحمان نے کہا  کہ قومی و صوبائی اسمبلی کی نشستوں میں کبھی  تبدیلی نہیں ہونی، حلقہ بندیوں کا عمل جلد سے جلد مکمل کیا جائے، پیپلز پارٹی اور اسکے ووٹرز انتخابات کی تاریخ کے منتظر تھے، حلقہ بندیوں کے شیڈول کے نہیں۔

شیریں رحمان  نے کہا کہ ہمارا آئین الیکشن کمیشن کو پابند کرتا ہے کہ وہ اسمبلی تحلیل ہونے کے 90 دنوں کے اندر عام انتخابات کرائے،ہم الیکشن کمیشن سے مطالبہ کرتے ہیں کہ آئین کے آرٹیکل 224 کے مطابق انتخابات کی تاریخ کا اعلان کرے۔

پیپلز پارٹی کی نائب صدر شیری رحمان کا الیکشن کمیشن سے مقررہ وقت پر انتخابات کرانے کا مطالبہ#GNN #NewsUpdates #BreakingNews #GNN_Updates pic.twitter.com/gxJnDy3a04

— GNN (@gnnhdofficial) August 19, 2023