افغان طالبان کا سیاسی جماعتوں پر پابندی کا فیصلہ

غیرملکی خبررساں اداروں کے مطابق طالبان کے وزیر انصاف عبدالحکیم شرعی نے افغان دارالحکومت کابل میں  نیوز کانفرنس کی جس  میں انہوں نے سیاسی جماعتوں پر  پابندی کا اعلان کیا۔

ا نہوں نے کہا کہ سیاسی جماعتیں نہ تو قومی مفاد کو پورا کرتی ہیں اور نہ ہی قوم ان کی تعریف کرتی ہے۔ یاد رہے کہ دو برس قبل جب طالبان نے جنگ سے تباہ حال افغانستان پر دوبارہ کنٹرول حاصل کیا، تب 70 سے زیادہ بڑی اور چھوٹی سیاسی جماعتیں وزارت انصاف میں باضابطہ طور پر رجسٹرڈ تھیں۔

انہوں نے کہا کہ ملک میں سیاسی جماعتوں کے کام کرنے کی کوئی شرعی بنیاد قرآن و حدیث سے ثابت ہی نہیں ہے ۔

انہوں نے کہا کہ سیاسی جماعتوں کی شریعت میں کوئی گنجائش یا حیثیت نہیں ہے، سیاسی جماعتیں ملک کے مفاد میں نہیں ہیں۔ انہوں نے کہا کہ ملک کی موجودہ تباہی سیاسی جماعتوں کی وجہ سے ہے۔